معتوه التفكير .. لو أفتكرت الاتى:
- ان الحياة فيها بنى ادمين يستاهلوا اهتمام او قرب او صداقة .. أو أو .. الحقيقة انى اكتشفت مع الوقت ان الحياة زى الابرة.. يتصارع البشر فيها على المرور من الخرم !
- أنه مازال في المسميات الاتية: صديق/صديقة .. حبيبة.
- أنه من السهل انك تأمن لحد في الزمن دا.. الحقيقة ان كل الناس أثبتت دناوة مدهشة.
- أنك تقدر تتخلص من المنافقين الكدابين , المنفسنين , الاغبياء حوليك.
- أنك تصدق حد ..أى حد.
- أنك تغُرق نفسك في الضيق .. بس زى مابيقولوا ما باليد حيلة, مع وعد انك لو كملت لحد اخر الشهر كده , هاتكسب معانا عجلة روبى !
الحقيقة ان الحياة فعلا كوميدية .. يعنى , وصلنا بجدارة الى مرحلة البجاحة في التصرفات.. لو انت دنى تتصرف بالدناوة دى عادى جدا قدام الناس ولا فارق معاك منظرك , لو انت كداب او منافق , برضه تتصرف بكل طلاقة حتى لو الناس عارفه عنك دا او شافت دا فيك ..
وسالت نفسى النهاردة سؤال..
هل الاحسن انك تكون لوحدك ولا تقبل نوعيه الناس دى في حياتك عشان يكون في حياتك الصحبة؟
الحقيقة مش عارف .. بس انا قررت اتعامل مع الحياة بقواعدها..
مبزعمش انى مثالى.. كل الى هاعمله انى مش هاقف عند حاجات كتير بعد كده..
ولا حتى هافضل مهتم بانى احاول اصلح عيوب نفسى.. الحقيقة ان دا مينفعش في الزمن دا..او بمعنى ادق مالوش لازمة ومش مهم !
وبالتالى .. قررت انضم وبجدارة مش بس عضوية شرفيه .. الى نادى الدناوة والبجاحة.. فا باركولى !
الاشتراك في:
تعليقات الرسالة (Atom)
هناك 5 تعليقات:
تسمح لي أعلق..لأنك حاطط التعليق متاح :)
الحياة..فيها ربنا معانا..وفيها الصح والغلط :)
أول حد فينا بينصح..غرقان ساعات في العيوب
بس برضه..يفضل يحاول يصلح من نفسه لو افتكر ده..أمال ليه الإستغفار :)
اعذرني
يمكن انت رأيك دلوقتي كدة
لأنك في وسط كدة دلوقتي
سواء الأشخاص أو الظروف..
هي دلوقتي كدة..
يمكن مرحلة الدراسة..أو أي مرحلة معينة في حياتك..في وسط ناس كتيرة..كلها مصالح وكلام كتير..
بس بكرة تكون في وسط ناس تانية
لا حد هيدي على طول..ولا هيكون حد مثالي قوي
بس هتستريح في وجودهم
المهم..
دلوقتي بحال وبكرة بحال..
عبرت دلوقتي..
خلي عندك أمل لبكرة عموما :)
وبعدين..الدنيا مش جنة..
بس فيها..الكويس والوحش..
وهتقابل الكويسين..زي ما احنا قابلناهم..
انك تصلح العيوب..لا ده له لازمة ومهم :)
مهو المفروض..كظم الغيظ..ورد الإساءة بالحسنة..وكمان الإستغفار
مش كل ده مطلوب مننا..وكلنا بنغلط :)
بعتذرلك عن ردي عموما :)
.....
بس صدقني..متتوقعش حياة بلا غلطات أو أخطاء أو حتى إنسان كدة :)
استنى عليه شوية..واديله فرصة يصحح من ده..له من موقف تاني معاك..على حسب الموقف طبعا.بس ربنا بيدي فرص برضه :)
ملقتش ده..تقدر تتجاهل كل ده..
وتكمل حياتك مع ناس تانية..مش ملام..
بس انت كمان تقدر تكون معاهم <
....
عموما يمكن ردي أي كلام..بس لقيت الرد متاح :)
....
انت واحد من ضمن اللي حواليك..تكيف مع كل ده..لحد ما تخليك الظروف..في مكان تاني أو ظروف تانية..
بس خللي الأمل لبكرة ان كل ده..مش دايم..حتى في الأشخاص نفسهم..محدش بيفضل على حال..
وخلي أملك في ربنا
إنه..أول حاجة..مش بيظلم حد :)
بعتذرلك مرة تانية عن ردي..
علشان أنا نفسي مليانة عيوب..وبصححها :)بس عارفة أن ربنا بيدي فرص تانية..فبديها لنفسي..متقولش لا :)وبحاول بنصيحة صديقة ليا..أستر عيوبي شوية وأدي لنفسي الفرصة لتصحيحها علشان ربنا قال كدة :)
.......
اعذرني اني عاوزة أعتذر تاني لو اتضايقت من الرد
وإن شاء الله يارب مش هتفهم ردي غلط :)
..
بالتوفيق ان شاء الله
شكرا ليكى يا ايمان
بوذا كان بيقول عامل الناس كما تحب أن تعامل
وعيسى قال الله محبة
ومحمد قال حب لأخيك ما تحب لنفسك
فهمت حاجة؟
الدنيا أحلى من كده بكتير ..
إرسال تعليق