الثلاثاء، 12 مايو 2009

البعض نحبهم ..

في الفانتازيا .. لا حدود للحلم , للخيال , ولا حدود للامنيات .. ماذا لوقابلته فا ناظرته .. بس أتفقت معه في كل حرف .. وكل كلمة , هل تكون أول مناظرة ودودة في التاريخ, يتفق اطرافها دوما ويكون مضمونها عن الحب .. وفقط؟
* الاجزء المقتبسة , هي مختارات من قصيدة العظيم جبران خليل جبران" البعض نحبهم "..

"البعض نحبهم لكن لا نقترب منهم ... فهم في البعد أحلى وهم في البعد أرقى ... وهم في البعد أغلى"

البعض نحبهم .. ومنقدرش نقرب منهم .. مثلهم مثل القمر في السماء .. كم هو رائع , مضئ ويثير ما يثير في القلب من تنهيدات حارة , ووجع مؤلم لذيذ نشتهيه.. ولكن حاول أنك تقربله .. تاخد كلوس عليه أكتر و أكتر.. فا تخفت الابتسامة وتتحول الى وجوم من مرأى كل تلك الحفر والفجوات السوداء .. والتعرجات والتشوهات ... كذلك الانسان.. كلما رأيت قسطا من رقى في علاقه ما لإنسان ما.. قد تفضل عدم الاقتراب حتى لا تصطدم بعيوب سخيفة قد تتراءى لك .. وتحيل هذا الرقى الجميل المثالى .. إلى تشوه إنسانى قد لا تحتمله...


"والبعض نحبهم لأننا لا نجد سواهم وحاجتنا إلى الحب تدفعنا نحوهم فالأيام تمضي والعمر ينقضي والزمن لا يقف ويرعبنا بأن نبقى بلا رفيق"

الوحدة صعبة.. أمر من علقم في حلقك , كل تلك الساعات التى تقضيها في الظلام بحثا عن أمل , عن حياة, عن نور ينير لك ظلماتك .. يتواثب قلبك بين ضلوعك مرددا: نحتاج لرفيق يا صديقى ! .. فا تبحث وتبحث , لحد ماتلاقى أول حد مش مناسب ليك ولكنك لم تجد غيره ! .. فا تلاقى نفسك مدفوعا دفعا لحبه , بل وعدم تصور حياتك من غيره , تملأ الدنيا قصائد في حبه , تتغزل في جماله , لا تنام الا على صوته .. أنت لا تحبها يا صديقى, أنت تحتاج فقط لرفقة, تحتاج لإن تعيش الحب لا أن تحب .. ثم تفترقوا , وتمضى أيامك وسنينك في رعب انك أصبحت بلا رفيق , رباه .. كم أنت وحيد ! , كم مرت سنين وانت لا تعرف حقا ما تريد.. أمتى يجي يوم وتفوق وتعرف أنك لو اردت رفيقا فا لا تجعله حبيبا !

"والبعض نحبهم لان مثلهم لا يستحق سوى الحب ولا نملك أمامهم سوى أن نحب فنتعلم منهم أشياء جميله ونرمم معهم أشياء كثيرة ونعيد طلاء الحياة من جديد ونسعى صادقين كي نمنحهم بعض السعادة"

البعض نحبهم .. لا , بل نعشقهم .. نعشق التراب الى بيمشوا عليه .. نعشق كل تفاصيلهم السخيفة, كل عيوبهم الغير محتملة.. تعشق كيف تحتويك في أحضانها , كيف تحتملك في صبر كأنك أبنها رغم كل سخافاتك وتصرفاتك الطفولية وعصبيتك , كيف تتعلم منها كل يوم شئ مثالى وجميل , كيف ترأها في طهر الملايكة ورقيهم .. كيف ترمم عيوبك السخيفة وتحولك لإنسان رائع .. لم تكن بالرضا دا عنه ابدا في حياتك قبلها .. تحيل الوانك السوداء الكئيبة إلى الوان مبهجة , براقة وجميلة .. تعشقها عندما تضحك , تقطب , تبكى , تتقمص , تبتسم , تتكسف ,تعشقها لانها هي .. سيدة نساء الدنيا قاطبة.

"والبعض نحبهم ونسعى كي نقترب منهم ونتقاسم تفاصيل الحياة معهم ويؤلمنا الابتعاد عنهم ويصعب علينا تصور الحياة حين تخلو منهم"

قال قائل: الحياة مبتقفش عند ناس بتموت.. هاتقف يعنى عند علاقات عاطفية بتفشل؟!.. كلام براق لفظيا , خالى من المشاعر والمنطق مضمونا.. فمن سعينا للاقتراب منهم ثم الارتباط بهم .. فا تقاسمنا الحياة معاهم بحلوها ومرة .. وقررنا ان الحياة تبدأ وتنتهى عندهم .. ليس الابتعاد عنهم بسهولة الكلام أعلاه.. نتألم , نسهر ونبكى ليالى .. ونؤمن إيمانا قد لا يتزحزح لفترات طويلة.. ان الحياة بدونهم .. أشبه بتوقفك عن التنفس.. المرأة هي الحياة.. تتواثب في أحشائها فا تلفظك إنسانا يأكل ويشرب ويضحك ويبكى ويحلم .. فا تعشق امرأة مثلها .. او ما تتوسم فيها انه مثلها .. وتتقاسم معاها الحياة حتى تُغمض عينيك وتُواريك التراب او تُواريها أنت التراب.. وتتألم لرحيلك ..أو تبكى دما لرحيلها..




جبران خليل جبران - أحمد المصرى

هناك 7 تعليقات:

غير معرف يقول...

لا,,ممكن منقربش لناس,علشان هما هيفضلوا دايما حلوين

علشان ميملوش مننا

علشان,منوحش إحنا في نظرهم

أو,يملوا من عيوبنا إحنا


مش لازم يكون عندهم هما عيوب,نخاف نشوفها


يمكن عيوبنا,نخافها,تفسد علاقتنا بيهم

عن البعض

ويمكن


فعلا,هما وهما بعاد

هنفضل دايما,عاوزين نشوفهم


غايبهم عن نظرنا,ومعرفتنا الشخصية بيهم


بيخلينا دايما,عندنا حالة,,,

حالة,,إن الشخصية دي,إنت عاوزها في المكانة العالية دي,,إللي دايما بتتطلع ليها

مش هما,,ينزلوا ليك

مينفعش :)


,,,,,,


دي كانت,وجهة نظر,وبس :)


شكرا جزيلا,وبعتذر عن أي إزعاج ,شكرا:)

Ahmed EL Masry يقول...

يعنى ايه " لا " ؟!
جبران بيتكلم عن معنى واضح في أول إقتباس من القصيدة .. عن رقى الإنسان طالما كان بعيد .. لما حد بيلتمس في حد رقى ما .. جايز يخاف يقربله عشان يفضل شايفه مثالى.. المثال تحتها بيوضح الفكرة.. فكرة حلاوة العلاقات الانسانية ورقيها وغلاوتها في بعدها .. وتشوهاتها في قربها ( مش قاعدة ).

شكرا.

غير معرف يقول...

إمم,مش عارفة,أنا غلطت :)

أنا اتكلمت,بفهمي أنا :)

يمكن,غلطت :)

آسفة

غير معرف يقول...

قصدي,أتكلم

عن لما,مش أحب في حياتي,أقرب لناس

هما في مكانة عالية

علشان الأسباب دي

مش قصدي,لأسباب جبران :)


آسفة قوي,لو غلطت:)

Fatma يقول...

"البعض نحبهم لكن لا نقترب منهم ... فهم في البعد أحلى وهم في البعد أرقى ... وهم في البعد أغلى"
صحيح
في ناس طول ما انت حواليهم من بعيد متدفي ومستمتع بالنور بس لو قربت منهم تتحرق

"والبعض نحبهم لأننا لا نجد سواهم وحاجتنا إلى الحب تدفعنا نحوهم فالأيام تمضي والعمر ينقضي والزمن لا يقف ويرعبنا بأن نبقى بلا رفيق"
بتحصل كتير ..نسبة كبيرة جدا
خوفا من الوحدة وحبا في الحب الواحد ممكن يتوهم الحب
انا شخصيا ما مريتش بالحالة دي بس بشوفها كتير

"والبعض نحبهم لان مثلهم لا يستحق سوى الحب ولا نملك أمامهم سوى أن نحب فنتعلم منهم أشياء جميله ونرمم معهم أشياء كثيرة ونعيد طلاء الحياة من جديد ونسعى صادقين كي نمنحهم بعض السعادة"
النوع دا نادر الوجود
مع اقتناعي التام ان كل انسان يستحق انه يتحب وانه يحب بس مش على المطلق
يستحق انه يتحب من الشخص المناسب ..اللي مخلوق ليه ..مش من كل الناس
صعب تلاقي حد يستاهل الحب على المطلق من الجميع

"والبعض نحبهم ونسعى كي نقترب منهم ونتقاسم تفاصيل الحياة معهم ويؤلمنا الابتعاد عنهم ويصعب علينا تصور الحياة حين تخلو منهم"
دا النوع الاكثر شيوعا في اعتقادي
بس انا مختلفة معاك في تحليلك
ماحدش بيموت لما يبعد عن حبيب
الا في حالة واحدة ..الموت
وبردو دا كان زمان
حاليا بردو الحياة بقت بتستمر !

الموضوع رائع يا احمد بجد :)

Ahmed EL Masry يقول...

إيمان: أوكى .. مفيش داعى للاعتذار, دى وجهه نظرك في الجزئية دى.. أهلا بيكى.

فاطمة: نورتى :) ,شكرا ليكى على تعليقاتك الجميلة.. أنا زيك في اخر جزئية .. مش بعنى بالتوقف عن التنفس , الموت .. لا قصدت التوقف عن الحياة .. ودا مش بالضرورة ديما يعنى الموت.. ودا الى بيحصل معايا لما متكونش الانثى دى موجوده ..

" المرأة هي الحياة.. تتواثب في أحشائها فا تلفظك إنسانا يأكل ويشرب ويضحك ويبكى ويحلم .. فا تعشق امرأة مثلها .. او ما تتوسم فيها انه مثلها .. وتتقاسم معاها الحياة حتى تُغمض عينيك وتُواريك التراب او تُواريها أنت التراب.. وتتألم لرحيلك ..أو تبكى دما لرحيلها.. "

الحقيقة ان وصف المرأة أعلاه دا .. من أجمل ماكتبت في حياتى عنها - بالنسبة لى - .

غير معرف يقول...

أنا آسفة

بعيد عن الموضوع تماما

أنا ببعت رسايل,لناس كتيرة النهاردة

بعتذر,للكل

يمكن,بعد موقف شفته من بعيد

قررت بعدها

أدور,على ناس,أحس,إنهم,يمكن,يكونوا,زعلانين مني من موقف بدون قصد,أو يمكن معرفش بجد


بس,

حابة,أبعت للكل


إعتذار


لو,في يوم

بدون قصد

أخطأت

في حق أي حد,وأنا مش عارفة إني يمكن,زعلت حد وأنا مقصدش,أو ضايقت حد


أنا عارفة,إن يمكن,حاجة هايفة,إني أبعت إعتذارات لناس

لكن,شيء مريح نفسيا


أنا,آسفة,لأي حد,ضايقته بدون قصد

أو بدون قصد,يمكن,محدش فهمني في شيء في يوم بدون قصد

وسببت,بدون قصد زعل لناس

أو لو,غلطت فعلا,في يوم,بدون قصد والله


بعتذر بجد


أنا آسفة